‘KGF’ मध्ये ‘रॉकीभाईला’ वेड लावणारी ‘रीना’ नेमकी आहे तरी कोण?
साऊथ इंडस्ट्रीतील ‘केजीएफ चॅप्टर 2’ या चित्रपटाची प्रेक्षक आतुरतेने वाट पाहत आहेत. हा चित्रपट 14 एप्रिलला थिएटरमध्ये रिलीज होणार आहे. या चित्रपटात यश ‘रॉकी भाई’च्या भूमिकेत दिसणार आहे. याशिवाय चित्रपटाच्या दुसऱ्या भागात संजय दत्त ‘अधीरा’ आणि रविना टंडन पंतप्रधान ‘रमिका सेन’च्या भूमिकेत दिसणार आहेत. या सर्व लोकप्रिय कलाकारांमध्ये, या चित्रपटात श्रीनिधी शेट्टीचीही भूमिका आहे, जी ‘केजीएफ’च्या पहिल्या भागात होती आणि आता दुसऱ्या भागातही दिसणार आहे. या चित्रपटातील श्रीनिधीची वृत्ती चाहत्यांना खूप आवडली, ज्यामुळे ती लोकांचे लक्ष वेधून घेण्यात यशस्वी झाली. चला तुम्हाला अभिनेत्रीबद्दल सांगतो.
कोण आहे श्रीनिधी शेट्टी?
श्रीनिधी शेट्टी ही मॉडेलिंग जगतातील चमकणारी स्टार आहे. तिने अनेक सौंदर्य स्पर्धा आपल्या नावावर केल्या आहेत. श्रीनिधी शेट्टी 2016 मध्ये ‘मिस दिवा सुपरनॅशनल’ ठरली आहे. यानंतर श्रीनिधीने ‘मिस सुपरनॅशनल’ची सौंदर्य स्पर्धाही जिंकली. ही सौंदर्य स्पर्धा जिंकणारी श्रीनिधी ही दुसरी भारतीय मॉडेल आहे. याशिवाय तिने ‘मिस साउथ इंडिया’, ‘मिस कर्नाटक’, ‘मिस ब्यूटीफुल स्माइल’ अशा अनेक मॉडेलिंग स्पर्धा जिंकल्या आहेत.
मॉडेलिंगच्या जगात नाव कमावल्यानंतर श्रीनिधी शेट्टीला चित्रपटांच्या ऑफर्स येऊ लागल्या. तिने ‘KGF 1’ मधून फिल्मी दुनियेत पदार्पण केले आणि तिच्या पहिल्याच चित्रपटात श्रीनिधीने थिरकले. या चित्रपटात श्रीनिधी ‘रीना’च्या भूमिकेत दिसली होती. ‘केजीएफ’मध्ये यशचे कणखर व्यक्तिमत्त्व श्रीनिधीच्या स्फोटक शैलीशी स्पर्धा करत होते. श्रीनिधीला तीच्या पहिल्याच चित्रपटासाठी सिमा पुरस्कार मिळाला. या चित्रपटातील तीच्या कामाचे खूप कौतुक झाले होते. रीनाही ‘KGF 2’ द्वारे चाहत्यांमध्ये खळबळ माजवण्यासाठी सज्ज आहे.
या चित्रपटांमध्ये श्रीनिधी शेट्टी दिसणार आहे,
आता ती तामिळ आणि तेलगू चित्रपटांमध्ये सक्रिय आहे. ‘KGF Chapter 2’ व्यतिरिक्त ती ‘कोब्रा’ या थ्रिलर चित्रपटात दिसणार आहे. या चित्रपटात श्रीनिधीसोबत विक्रम, सरजानू खालिद, मिया, रोशन मॅथ्यू हे कलाकार दिसणार आहेत. हा चित्रपट 26 मे रोजी रिलीज होणार आहे.
