टरबूजाच्या बिया खाण्याचे ‘हे’ आहेत आश्चर्यकारक फायदे आहेत…!
उन्हाळ्यात टरबूज खाल्ल्यामुळे शरीर हायड्रेट होते. पण फक्त टरबूजच नाही तर टरबूजाच्या बिया देखील आपल्या आरोग्यासाठी अत्यंत फायदेशीर ठरू शकतात. टरबूजाच्या बिया खाण्याचे काही आश्चर्यकारक फायदे आहेत ते आज आपण बघणार आहोत.
कोरोनाच्या काळामध्ये प्रतिकारशक्तीचे महत्त्व सर्वांनाचमाहित झाले आहे. अशा परिस्थितीत, टरबूज प्रतिकारशक्ती मजबूत करण्यासाठी अत्यंत प्रभावी ठरू शकते. टरबूज सोबतच त्याच्या बिया देखील आपल्या आरोग्याला सर्व प्रकारे फायदेशीर ठरतील.चला तर म्णफग जाणून घेऊया टरबूजाच्या बिया खाण्याचे फायदे.
१) रक्तदाबाची समस्या दूर होते : आहारामध्ये टरबूजच्या बियांचा समावेश केल्याने, त्यातील प्रथिने आणि अमीनो अॅसिड आपल्या रक्तदाबाची समस्या कमी करण्यास मदत करू शकतात. याशिवाय टरबूजाच्या बिया टिश्यूची दुरुस्ती करून स्नायूंना निरोगी बनवतात आणि स्नायूंच्या दुखण्यापासून मुक्त होण्यासाठी देखील प्रभावी सिद्ध होऊ शकतात.
२) हृदयाच्या समस्यांवर उपाय : टरबूजाच्या बियांमध्ये मोठ्या प्रमाणात मोनोसॅच्युरेटेड आणि पॉलीअनसॅच्युरेटेड फॅटी अॅसिड असतात, जे हृदयविकाराचा धोका कमी करण्यासाठी फायदेशीर ठरू शकतात. सध्या सुरू असलेल्या उष्णतेच्या लाटेमुळे सगळ्यांना लवकरच थकवा जाणवू लागतो. अशा स्थितीत टरबूजाच्या बियांचे सेवन करावे. त्यामुळेया बियांच्या मदतीने शरीराला त्वरित ऊर्जा मिळू शकते. हे बिया हिमोग्लोबिनसाठीही अत्यंत फायदेशीर आहेत.
३) लठ्ठपणावर उपचार : जर तुम्‍ही वाढलेले वजन किंवा लठ्ठपणाच्‍या समस्येशी झगडत असाल, तर कमी कॅलरी असलेल्या टरबूजच्या बिया वजन कमी करण्यासाठी फायदेशीर ठरू शकतात. टरबूजाच्या बियांचा फायदा घेण्यासाठी, या बियांचा वापर सलाड, भाज्या किंवा स्नॅक्समध्ये देखील करू शकता आणि दररोजच्या आहाराचा एक भाग देखील बनवू शकता.
